Video
Read full review
2016-06-28
5403 views
今日難得同家人食飯，建議話去食韓燒，近近地揀左呢間位置喺佐敦嘅板燒郎，上到去門口先發覺呢間都幾多人食喎終於等到安排入坐，環境就暗黑啲，走廊两邊都放咗裝烤板嘅架，由於人多男人稍為退步讓路，腳就跟烤板碰上，點知原來烤板係岩岩喺枱上面換落黎，熱辣辣，就係咁，男人腳上多左四條燙痕…咩心情都無啦…但入左黎無理由唔食野，咁唯有同經理建議下個擺放方法，因為太危險啦～經理都隨即攞燙火膏同致歉，只係想舖頭留意下啲安全位講返野食，我地加左88蚊任食鮑魚，扇貝，生蠔咁小妹叫男人食多幾隻生蠔補下頭先嘅傷，男人話生蠔都ok...但佢都係一隻起两隻止左，反而芝士扇貝幾好，芝士同扇貝幾夾得黎刺身方面係比較好，冰底足所以刺身夠凍，三文魚厚切上枱毫不吝嗇，油脂分佈平均，又有希靈魚，最愛！酸酸的希靈魚咬落卜卜聲，好味！燒物方面最可疑係芝士芝士腸，原來係喺芝士腸上面加芝士粉，咁都諗到，好野！有一頁紙全部都係牛肉，牛魔王一定好歡喜，肉類都算稔，無雪味，不過上菜略為慢而炸物種類多，不過略為油膩，但都可以接受，小食多滋味！另外最特別係呢度有煎黃花魚，分別叫左黄花魚同秋刀魚各一，諗住試下邊樣好食，點知黎左各二仲鬼死咁大條，都無問題
今日難得同家人食飯，建議話去食韓燒，近近地揀左呢間位置喺佐敦嘅板燒郎，上到去門口先發覺呢間都幾多人食喎終於等到安排入坐，環境就暗黑啲，走廊两邊都放咗裝烤板嘅架，由於人多男人稍為退步讓路，腳就跟烤板碰上，點知原來烤板係岩岩喺枱上面換落黎，熱辣辣，就係咁，男人腳上多左四條燙痕…咩心情都無啦…但入左黎無理由唔食野，咁唯有同經理建議下個擺放方法，因為太危險啦～經理都隨即攞燙火膏同致歉，只係想舖頭留意下啲安全位
講返野食，我地加左88蚊任食鮑魚，扇貝，生蠔咁小妹叫男人食多幾隻生蠔補下頭先嘅傷，男人話生蠔都ok...但佢都係一隻起两隻止左，反而芝士扇貝幾好，芝士同扇貝幾夾得黎
刺身方面係比較好，冰底足所以刺身夠凍，三文魚厚切上枱毫不吝嗇，油脂分佈平均，又有希靈魚，最愛！酸酸的希靈魚咬落卜卜聲，好味！
燒物方面最可疑係芝士芝士腸，原來係喺芝士腸上面加芝士粉，咁都諗到，好野！有一頁紙全部都係牛肉，牛魔王一定好歡喜，肉類都算稔，無雪味，不過上菜略為慢
而炸物種類多，不過略為油膩，但都可以接受，小食多滋味！
另外最特別係呢度有煎黃花魚，分別叫左黄花魚同秋刀魚各一，諗住試下邊樣好食，點知黎左各二仲鬼死咁大條，都無問題，但問題係黄花魚肉質鬆散，表面煎亦未算香脆，秋刀魚好經典，未熟…幸好係韓燒有個鐵板，唔通係想比客人自己決定幾成熟？
燒到咁上下見到塊板小小黑同好乾身，諗住加小小油，點知一加着火！原來塊鐵板有裂痕，一加油，油同火接觸即着！好彩火種好細，拿拿聲整熄佢，但鐵板周邊嘅食物都燶左…Post
