海記合桃坊甜品 (Closed)

星期五同朋友係旺角食完野，都想搵個地方食埋甜品，其實係為左繼續傾計😂記得之前食過哩間嘅糖水，質素好似唔錯，所以今次專登再過嚟食，但估唔到今次糖水質素退步左。餐牌上面選擇好多，中式糖水同埋西式嘅甜品都有，但我比較偏好中式糖水，所以叫嘅都係中式野。🎈芝蔴豆腐花味道不錯，芝麻味尚算香濃，但係好明顯係稀過上一次黎食，豆腐花都夠滑。🎈綠豆沙綠豆沙裏面有海帶，綠豆都煲到起晒沙，不過裏面嘅料唔算太多，如果能夠再多啲料就更加好。🎈糖不甩哩個真係唔太推介，糯米粉團上面有黑白芝蔴、砂糖、椰絲、花生碎等配料。粉團係夠煙韌既，但個砂糖太粗粒，花生碎都比較少，食落去味道麻麻。整體黎講，佢嘅綠豆沙同埋芝麻豆腐花都叫做唔錯，雖然稍為退步咗啲，但都可以接受，不過都好希望佢快啲回復返之前嘅水準。