銀龍咖啡茶座

Open Now

Now Closed

記得由細細個嗰陣時候婆婆特別鍾意食粥，白粥通常唔會係入邊加其他材料，反而鍾意之後陪啲豆豉鯪魚或者腐乳又或者咸酸菜。到依家我都好懷念嗰種味道。呢度嘅中式西多士，同普通嘅唔同，就係佢中間嘅心唔係用花生醬又唔係用其他西式嘅醬料，佢係用咗中式腐乳，所以非常之特別。佢外邊所用嘅蛋漿亦都唔係用蛋黃，係用咗蛋白，所以整出嚟嘅西多士個樣都仲係白雪雪。咁好啦講下佢嘅味道，味道其實食落去都幾得意，因為佢中間嘅夾心係鹹嘅，再加埋煉奶嘅甜，味道其實都幾襯下，鹹鹹甜甜咁有兩層味道。但係味道來說腐乳不夠香，鹹香味多於腐乳香。不過勝在有創意，20蚊一件值得一試。