見到呢間叫”囍館”既中菜館．．ｄ相幾吸引, 價錢又合理．．所以就入去試下～
我地一行８人叫左幾個小菜，兩個午市套餐，一個炒飯同伊面，食到個個都捧住個肚～
蛋白同蟹肉又滑又鮮甜，配埋伊面味道清而不膩，正！
牛柳軟滑夠大件，西冷汁酸甜味岩岩好，配白飯一流！
呢個唐生菜極力推介，雖然樣貌平平，不過唐生菜異常爽甜，配蝦膏同脆蝦米，十分好味，屋企人個個食到lam lam 脷~
呢個好似係招牌炒飯，果然有d料到，有少少蝦米配埋十分香口，飯亦炒得好乾身，值得一試！
桂花蜜香味濃郁，未食過咁特別既炒鱔，very nice! 唯一係少左d..多兩件就好d喇~
呢個雞煲就普通d，蜆芥味唔夠突出，同埋多汁得濟..
另外叫左兩個午市套餐，蒸飯都相當不錯~~另一個冬蔭功湯面都夠哂辣同惹味~
最值得推介都係個燉湯, 是日響螺節瓜雞腳，名足料又清甜，好有屋企住家湯既感覺，加$5真係超值！
最後埋單每人$50度, 一家大細食到飽飽仲抵過去飲茶~~
