陳小館 (Closed)

中式下午茶😆尖沙咀有間點心店有出點心下午茶，$199兩位，見幾抵食，入去試吓先。下午茶架又整得幾靚喎，好適合打卡，上面嗰層有緑茶餅，仲有兩種未食過嘅甜點心，一樣係椰汁流心球，一樣係影雪白切糕，我個人比較鍾意流心球，外層炸過嚟，入面係椰汁，幾特別，白切糕嘅口感就有啲似牛奶糕，不過會杰少少。下面嗰層有咸點，蝦餃好味，啲蝦夠彈牙，另外燒賣同鮮蝦菜苗餃都唔錯，入面堅多菜苗。比較有驚喜係超多芝蝦蝦春卷，長長一條，要趁熱食，好香嘅芝士味。另外仲有賣相好特別嘅有雞先定有蛋先？一邊係薑汁蒸蛋，幾滑，不過薑汁味可以再重啲。另一邊係鹹水角，幾好味，層皮好煙韌。