Video
Read full review
2017-09-02
1540 views
本身諗住黎跟老公黎上堂然後食好西 荃灣啵 緊係勁多正野食架啦 諗住先去kala買份芝士吐司 點知冇開 咁行行下見到 e?!全單七折泰國野 我呢個新手師奶重唔狗沖咩 諗都唔諗同老公上去 一心諗住泰國野個味咁濃好難會難食既 上到去七成人左右 咁我地見有折咪叫左5樣野2杯飲品豬頸肉炒河(干又唔熱 味道似街市十蚊一份果d炒河 豬頸肉少到數到出黎 老公比負皮）蝦東陰宮湯(味道唔難飲 普通味 係d蝦肉梅）西莎咖喱牛腩(個名好似係上下 牛腩份量都好多 味道就老公話大快活重好食 一d都唔泰式）泰式蒜容包四件(呢個我都要比負皮 係一d蒜味同香味牛油味都冇 面頭有幾粒莞西 但食落只有油膩味）海南雞四份一隻(冇特別 去大乜樂果d快餐會更滑更好食)凍泰式奶茶(唔係我想像果種充滿東南亞風味既奶茶 似溝左好立克定阿華田咁既味 只可以話唔難飲 但唔好太大期望）椰青(成餐最好飲最好食係佢 椰水夠香椰味夠凍 d椰肉重好嫩唔會太老 成餐唯一食晒既野)佢上菜速度係極之快 我地點完菜五分鐘已經上晒咁滯 所以我同老公應為整定既機會十分高 個湯黎果陣飲左啖係唔熱 靠佢個火煮左陣先出煙 個炒河唔係熱辣辣只係暖 似係炒定一大兜夾比你
豬頸肉炒河(干又唔熱 味道似街市十蚊一份果d炒河 豬頸肉少到數到出黎 老公比負皮）
蝦東陰宮湯(味道唔難飲 普通味 係d蝦肉梅）
西莎咖喱牛腩(個名好似係上下 牛腩份量都好多 味道就老公話大快活重好食 一d都唔泰式）
泰式蒜容包四件(呢個我都要比負皮 係一d蒜味同香味牛油味都冇 面頭有幾粒莞西 但食落只有油膩味）
海南雞四份一隻(冇特別 去大乜樂果d快餐會更滑更好食)
凍泰式奶茶(唔係我想像果種充滿東南亞風味既奶茶 似溝左好立克定阿華田咁既味 只可以話唔難飲 但唔好太大期望）
椰青(成餐最好飲最好食係佢 椰水夠香椰味夠凍 d椰肉重好嫩唔會太老 成餐唯一食晒既野)
佢上菜速度係極之快 我地點完菜五分鐘已經上晒咁滯 所以我同老公應為整定既機會十分高 個湯黎果陣飲左啖係唔熱 靠佢個火煮左陣先出煙 個炒河唔係熱辣辣只係暖 似係炒定一大兜夾比你咁 再望入佢個半開放廚房 全部都係阿姐黎 心諗唔怪得咁似屋企炒完 阿媽放係鑊叫我自己整返熱既感覺....
我覺得去茶仔食個干牛河超碼都有個廚房佬即炒比你食 我都做過廚房 基本上做過廚房既人都知阿姐炒同廚房佬炒係兩回事 好多阿姐做左好多年炒個菜都出晒水(當然我唔排除有實力既阿姐 但真係極極極少數)
第一次寫食評所以冇影到相 下次會醒少少
｜
總結想食好野真係唔好貪平 佢係好食唔洗打折都大把人食 如果係好食又平 重要晚市正常排晒長龍
Post