譚魚頭火鍋 (Closed)

到這兒飲中午茶，一定要訂位！！未到十二點半，巳見人龍，場內達八成滿。八個男人，吃得飽飽，埋單才五佰蚊樓下，價錢比「海x亞洲漁港」、「東園xx」或差無幾。各式點心選了一大堆。較有印象的，如：「譚氏老曇子」乃必點。一個玻璃曇盛載足八位用的醋漬前菜，如：紅蘿蔔、白蘿蔔、青瓜、椰菜、雞腳、好似還有些少內臟！那些泡菜相當入味！賣相又漂亮！呢期特色點心都試得過。如：「紅湯素菜卷」（茄汁椰菜卷）、「澳洲駝鳥石榴餃」（相然吃不到駝鳥肉的味道！）、「法國鵝肉奇妙脆香卷」（幾甘香）、「鳳城上湯炸粉果」（當然不及「鳳x」，但都食得過）、「白日藏珍」（唔記得左係什麼！但我地邊食邊讚，差極有限！）、「海皇蔥油餅」（炸得好味）其餘，蛋散仔、蘿蔔千絲酥、煎蝦米腸、千層馬拉糕、粉蒸排骨、牛肉球、叉燒包，都比附近的酒樓像樣。還點了一窩「蝦仁魚腐米線」，那些湯都幾油膩，魚腐的油「益」味和腥味不弱，麻麻地！價錢唔算貴，碟頭算大；因太滿座，所以做唔切，服務麻麻；地方光猛企理，新淨，唯桌椅間距侷促，有點「擠迫」。大概會再來，但一定要訂位。