見到呢間鋪都夠大睇落正常就入去食下
嗌左下午茶入面既泰式炒金邊粉
等左10分鐘就出來
一見到個樣真係打個突
完全同我食過既賣相差好遠
食落去完全無炒金邊粉既感覺😓😓😓
完全唔係即炒，只係蒸熱番出比客咁
大佬呀你唔識整咁樣賣比客
真係無回頭諗住唔想食飯食個粉都可以咁敗筆
呢間餐廳有個阿姐好似遊魂咁
人地隔離枱嗌爭一個野食未到(講埋個野食名)
跟著行開返黎問人地飲乜嫁？
個客就話黎左飲緊
都唔明佢問飲咩做乜
然後出去賣單見到有微信支付寶貼貼我就問係咪有微信
收銀個阿姐就話係咪比現金? 現金或者八達通?
完全無視我講野
我就話我見到你地有微信個貼貼以為有
跟著先講話部機叉唔到電用唔到
所以話現金定八達通
呢間野真係無下次
