日泰郎放題料理 (Closed)

總結係呢間野完全唔掂。一入去間野，紫色幾靚丫，感覺唔錯。入去寫刺身啦，極快咁上到菜(只限第一盤)，刺身用冰盤鎮住，幾好幾滿意。之後呢? 串燒係燶既，叫乜野食都要催先黎(包括刺身串燒乜都要催，除左野飲)佢又要限得兩個鐘，但每樣野都要三催四請先黎到，真係等到火都黎，咁大間鋪得果三兩個侍應，斟水都要等餐飽。臨尾個甜品真係經典，每檯限叫一次，每人3件再叫既話要$3件唔緊要丫，可能d甜品好正呢，但點解唔可以俾人叫1件黎試下呢?甜品黎到既時候大家都明白晒點解，因為有幾款甜品真係........首先個咩南瓜蛋好難食，淋一pat椰汁咁既野係d南瓜度，中間再攝d蒸蛋，個南瓜係苦既。跟住個"西米露"諗住穩陣啦，點知係一pat 椰汁下面再鑲住d西米，d西米睇落似乜，大家自行想像啦。呢間咁既野我一世都唔會再黎。