之前係尖沙咀食過另一間和牛放題 x蔵，食完覺得幾好有驚喜，所以今次係團購見到呢間同x蔵差唔多，但團購價仲要四百蚊有找，就決定買嚟試試！
點知中伏！！
環境唔算闊落，都逼逼地，而且啲飲品同甜品櫃擺位有啲奇怪，分散晒嚟擺！
食物方面，一開始上咗個刺身拼盤、海鮮及各種肉類拼盤。刺身好食，唔差！海鮮都正正常常無驚喜！
但佢啲澳洲和牛真係好差！勁失望！全部都好un！
第二輪諗着試多塊和牛，俾多次機會佢地，點知第二輪啲和牛仲差！！！特別係個西冷，得2條似肉碎咁嘅肉條，勁hea我地！同第一輪完全唔同樣！
點解會好意思咁都照攞俾客人食！係咪因爲我地係團購，所以俾啲差啲嘅我地？！我地一心過來食和牛，點知除左和牛之外，其他嘢都算正常好食！特別係牛舌！有啲驚喜！但都唔會有下次！！
