Video
Read full review
2021-06-10
186 views
一分錢一分貨，確實是永恆的真理。今天同朋友去試佢個coupon 價$138午市點心90分鐘放題，原以為以此價錢任食點心，仲要喺銅鑼灣黃金地段商廈，去邊到揾。點知由入門一刻起，就感受到伏味！帶位嗰位姐姐，好似趕羊咁催趕我哋入內，有必要咁急咩？門口都冇人等位🙄好啦，話晒標榜係即叫即蒸，所以我哋都很耐心等你點心上枱。但眼見附近兩枱，等唔切食物嚟齊就走人，已心知不妙。不出所料，每次落單，抑係要你等20分鐘以上，又或者就係上錯單。而耐心等候嘅結果，只係換來一堆冇乜味嘅點心：所謂藍莓流沙包，似極小朋友喺學校食嘅蛋糕仔；炸大良鮮奶，炸粉味蓋過奶味；五香牛𦟌面，朋友話，牛𦟌本身無罪，但啲湯呢，味精充斥味蕾；啤梨咸水角，咦，點解係甜嘅？仲有嗰啲青瓜同木耳冷盤，醬汁還醬汁，食材還食材，無味道可言。最穩陣嘅，就只有蝦餃、燒賣同鳳爪，還有可以填飽肚嘅黑毛豬糭。計埋茶芥加一，每人盛惠$160，此價錢去返同區其他茶樓飲茶，相信會選擇更多，味道正常好多。真心唔知佢哋招牌菜係乜，但點心呢，實在唔得😐
Post