八鍋堂．中日火鍋專門店 (Closed)

今日聖誕夜7點幾，諗住去兆萬搵間放題食，經過9樓見個女仔係度派傳單，火鍋放題都係$158， 見食物都好似幾多，又話新開，又話仲有小小位咋，諗住新野咁扺，試下都冇防，點知就中伏😡首先入到去，可以點既肉同海鮮得5-6款，出面自己取既食物又得返少量，後來等左好耐先refill 部分，連醬料都係咁，另最少有三分一傳單上嘅食物係冇出現過。最嬲就係埋單時，成$250一位，問個侍應，佢話呢個係今日聖誕既價錢，我地話冇人同我地講過，佢只係話出面個女仔應該講過，我地應該知道先入黎，放低張單就走左，如果今日唔係聖誕節，唔想掃興，真係會同佢攪大佢。😡😡😡😡走時我特登去reception 同門口睇下，根本冇任何物件提過聖誕價錢，淨係得果張$158宣傳單張，無論價錢同食物都係存心欺騙，不過好彩我地冇加錢食蠔，我聽到有人話D蠔有怪味😨$158我寜願去牛牛火鍋食，又冇加一，食物選擇又多，呢間一定冇下次。