稻香超級漁港 (Closed)

稻香無論食小菜、點心同打邊爐都唔錯，今日黎食晚餐，佢既小菜不錯。稻香每次去唔同嘅分店，都幾多客，好熱鬧。今次食咗幾道菜，隨便揀幾款黎分享一下。燒味拼盤一次過可以嘗試各種不同的燒味，可惜味道一般。有點偏鹹，都係海鮮正啲。龍蝦烏冬。烏冬煮得過熟，太諗，用煲煮，無辦法，好容易煮過龍，所以烏冬嘅選擇好重要，如果選擇彈性的強嘅烏冬，例如 frozen 款的，就可以好啲。龍蝦唔錯，令湯底都鮮甜左。蒸魚幾好味，夠大條，多肉。阿拉斯加蟹就好一般。除咗蟹腳部份，有啲蟹味外，蟹身就無咩味。蟹蓋有些蟹膏，整個蟹肉一般，試過就算，七百幾蚊隻，唔多值得。其他小菜，例如四季豆炒象拔蚌，味道還是可以的。