咁就諗住近近地搵間機場酒店食生日飯方便返工，
揀咗未去過嘅麗豪航天城酒店，
諗住泊酒店車場(食滿$400有2個鐘free parking),
點知竟然full咗！
車場門口個姐姐話我冇登記車牌所以冇留位俾我，
（事前問酒店有冇泊車優惠時，佢完全冇提過要留車牌...）
叫我泊過隔離$33/hr嘅11 SKIES......
咁就唯有焗住泊啦......
入到餐廳，
個侍仔俾咗張「茶餐廳」menu我地......
我問：「你地website唔係有個"巴西晚市套餐”㗎咩？」
佢：「係呀，但係唔好意思今晚冇，
因為Hactl今晚響我地宴會廳搞annual dinner，
借調咗我地啲廚上去幫手，所以淨係得返依個簡約menu」
我真係O爆嘴：「咁有冇甜品食？」
佢：「冇呀，唔好意思」
人地搞annual dinner你今日先知？！
點解唔寫埋響website/social media話今日不適用？！
訂位時寫明係「慶祝生日」
你乜都冇點解唔通知我地？！
真係好想爆粗即刻起身走
但又唔想蝕33蚊泊車錢，兼且亦唔太夠時間轉場，
唯有「硬食」......
個menu基本上只係得steak嗌得落,
所以就嗌兩份steak，
結果等咗15min，
只係嚟咗一份！
我問：「我地嗌兩份㗎喎」
侍仔：「唔好意思落漏咗單」
what？？？！！！
我地兩個人你淨係落一份餐唔覺得奇怪㗎咩？？？！！！
我無奈：「咁你幫我地拎返依份入廚房heat住先啦」
又15min後，
佢又淨係上一份餐俾我地！！！
？？？！！！
咁都可以又唔記得拎埋熱櫃嗰份上返俾我地？？？！！！
這是正式錄用的酒店餐廳員工嗎？
最後剛剛好夠時間食完趕返工，
睇嚟就算有甜品menu都唔夠時間食......
生日先嚟中伏，真係so_sad
