小樽駅日式放題料理 (Closed)

本人住九龍灣都有一段日子，見間放題開左咁耐都未試過就諗住入去試下。未入去之前都已經唔係抱太大期望，因係旺角中太多伏。行到門口，職員就問我地幾多位有無訂枱，然後就帶我地入去，入到去就點菜食放題就梗係樣樣都點下試盡佢，我地四個人點既野食唔算多，最快來的是優惠刺身帶子，其他刺身都有冰底裝住賣相一般無羅白絲沒有層次，有樣野好的是我至愛的油甘魚叫親都會來足，正跟住伏就開始了，壽司飯太散，前菜份量小明明寫4份比得1小兜。到熟食兩隻字講哂得咸同窿，串燒幾串都係燒窿的，天婦羅簡直同就咁炸粉無分別厚過原本的食材。龍蝦湯不過不失的，係多油同水左小小囉。帶子咸，茄子咸，什菌咸，牛柳粒你仲會見到有血水係到，炒蜆仲驚喜，隻隻都有沙仲要殼多過肉，張枱唔係大食完一舊都無意欲再食落去終於擺到成枱都係野，越食越想走結果食左大約九個字就埋單。一句講哂，比錢請我食都唔會再去。