Video
Read full review
2021-12-29
546 views
☢️久違既中伏食評☢️本身滿心期待食呢間望落幾Chill 既French lab, 原來佢真係Lab 黎架，我哋做左白老鼠。油封鴨髀係食過史上最乾爭爭嘅，紅酒煮梨酸酸地又幾開胃㗎，但成件事唔夾囉，out topic零分架。其他餐廳特登整啲雜莓嘅醬可以融入到鴨肉既味，可能佢做緊實驗稀稀地哋類似血水嘅紅酒汁會唔會令人反胃，好彩無事～ 煎比目魚伴薯蓉， 同預期一樣真係冇乜味，聞落仲隱隱約約有浸鹹魚味，唔通百幾蚊就食到分子料理？ 加返啲鹽食係正常嘅，可惜佢啲魚皮煎得唔脆，口感介乎蒸同煎之間，唔識欣賞。最誇張係52蚊秘魯72%朱古力， 號稱fruity既味道creamy嘅口感，送上黎見到啲泡都心知不妙，飲落一言難盡，竟然令我掛住麥當勞早餐啲朱古力。 呢杯嘢飲係測試客人會唔會睇清楚description，如果仔細睇又估既話真係好驚嚇。杯人生Americano就係垃圾咖啡機同垃圾豆沖出嚟嘅貨仔又苦又澀。差啲唔記得杯差過金寶既餐湯，就咪鬼serve啦，是但求其煮都好飲過佢。______________________________🏠 French Lab📍 九龍灣常悅道20號環球工商大廈1樓13號舖 _
本身滿心期待食呢間望落幾Chill 既French lab, 原來佢真係Lab 黎架，我哋做左白老鼠。
油封鴨髀係食過史上最乾爭爭嘅，紅酒煮梨酸酸地又幾開胃㗎，但成件事唔夾囉，out topic零分架。其他餐廳特登整啲雜莓嘅醬可以融入到鴨肉既味，可能佢做緊實驗稀稀地哋類似血水嘅紅酒汁會唔會令人反胃，好彩無事～
煎比目魚伴薯蓉， 同預期一樣真係冇乜味，聞落仲隱隱約約有浸鹹魚味，唔通百幾蚊就食到分子料理？ 加返啲鹽食係正常嘅，可惜佢啲魚皮煎得唔脆，口感介乎蒸同煎之間，唔識欣賞。
最誇張係52蚊秘魯72%朱古力， 號稱fruity既味道creamy嘅口感，送上黎見到啲泡都心知不妙，飲落一言難盡，竟然令我掛住麥當勞早餐啲朱古力。 呢杯嘢飲係測試客人會唔會睇清楚description，如果仔細睇又估既話真係好驚嚇。
杯人生Americano就係垃圾咖啡機同垃圾豆沖出嚟嘅貨仔又苦又澀。
差啲唔記得杯差過金寶既餐湯，就咪鬼serve啦，是但求其煮都好飲過佢。
______________________________
🏠 French Lab
📍 九龍灣常悅道20號環球工商大廈1樓13號舖
______________________________
Post
