利寶閣 (Closed)

我係一個極之鍾意食大閘蟹既吃貨，每年都食幾轉，但通常都係訂蟹返屋企食，今年都已經食左5轉，上星期公司有客人介紹呢間利寶閣比我，我又見有公衆人物做宣傳，諗住應該唔會太差掛！就打電話Book左11月1日（日）三位，食6pm~8pm，點知～坐低開波無耐我就覺得好伏囉！首先講片皮鴨，講就話任食自取，但係排晒長龍供不應求，而且真心唔好食，啲鴨肉好勒，果塊片皮又乾又唔熱，最搞笑係排到我仔時，個職員就咁切隻脾落碟就行開左，………………………………………呢個唔知乜菇飽魚又係唔掂檔，個茨汁多到呢～仲有呀！你望下隻碟，爛到咁誇張都仲可以攞出黎用？拎起隻碟都手，跟住我同一個女部長講，叫佢地咁爛就唔應該繼續用，佢反而仲黑我臉添👺…………………………呢個響螺湯，我本身都抱住個希望，點知又係伏到爆，湯無味之餘，攞到埋枱都只係【微暖】，大佬呀！湯唔熱叫人點飲呀！………………………………………糯米飯算係正常返既野，呢個不過不失…………………………………………當晚我個人戰績食左20隻蟹，有3隻係臭既，即係真正落肚只得17隻，老實講，我諗呢間唯一值得讚既地方就係出蟹時間快，其他就真係🙄🙄🙄…………你話如果去到唔食其他野