皇室盛宴 (Closed)

男朋友生日，想試下新野，咁岩見到呢到經Openrice訂有6折，就訂左呢到。入到去個感覺幾有情調，播住英文情歌幾浪漫。叫左deluxe既7道餸，total食左大約2.5小時，每道菜之間既時間唔會相隔太耐，又唔會上得好急，感覺舒適。服務方面幾細心，一開始對餐牌，問你有冇食物敏感，每道菜都會講幾句，幾好。味道都中上，煎西瓜夠特別，個湯夠濃味好飲，鵝肝煎得剛剛好鎖住油份，入口即溶，份甜品紅酒煮梨都可以，甜甜地好香紅酒味，macaroon自己整都好味。最後幫男朋友個蛋糕點左煙花candle，呢個效果意想不到，男朋友有點shy但開心既。