Video
Read full review
2017-07-17
60 views
為哩間嘢寫第一個食評..實在不吐不快!!之前行過幾次, 見有幾個人0係出面好似等緊位, 心諗應該唔差..結果有晚見有位就入去試下, 點知恐怖經歷開始了...我同我太太叫了一個S1拉面餐, 一個S3石頭鍋飯餐, 首先入面個男仔店員已經留下差印象, 我一路點餐冇回應冇表情, 果然...轉頭另一個阿姐叫我地再講多次!1. 紫菜包飯, 同下面果位一樣, 飯硬(我懷疑未熟)紫菜又濕又淋, 口感極差極之難食2.小食泡菜同雞亦尖係OK嘅, 因為此小食之前在深水埗已買過!3. 拉面, 選了辛辣面, 一上檯見到面條厚度已經知唔係辛辣面, 但店員話係...算...點知我太太咬一口, 未熟仲硬架囉!!即時叫店員換過!4. 跟拉面嘅韓燒五花腩...得個咸字..再加上唔係燒嘅, 又肥, 自己用光波爐應該都燒得好過佢!!5.=.= 又同下面果位一樣...人不多但石鍋伴飯又等咗好耐後追單, 等到檯面上其他嘢都食晒先黎到, 而當晚我落完單已心知不妙, 幾個店員你一句我一句, 漏單, 重覆單, 食物唔熟, 整多嘅石頭鍋飯就咁放咗0係廚房門口一張摺椅上. 個男店員又好奇怪咁會忽然走過黎拎張單睇..其實唔知可以睇到D乜嘢
之前行過幾次, 見有幾個人0係出面好似等緊位, 心諗應該唔差..結果有晚見有位就入去試下, 點知恐怖經歷開始了...
我同我太太叫了一個S1拉面餐, 一個S3石頭鍋飯餐, 首先入面個男仔店員已經留下差印象, 我一路點餐冇回應冇表情, 果然...轉頭另一個阿姐叫我地再講多次!
1. 紫菜包飯, 同下面果位一樣, 飯硬(我懷疑未熟)紫菜又濕又淋, 口感極差極之難食
2.小食泡菜同雞亦尖係OK嘅, 因為此小食之前在深水埗已買過!
3. 拉面, 選了辛辣面, 一上檯見到面條厚度已經知唔係辛辣面, 但店員話係...算...點知我太太咬一口, 未熟仲硬架囉!!即時叫店員換過!
4. 跟拉面嘅韓燒五花腩...得個咸字..再加上唔係燒嘅, 又肥, 自己用光波爐應該都燒得好過佢!!
5.=.= 又同下面果位一樣...人不多但石鍋伴飯又等咗好耐後追單, 等到檯面上其他嘢都食晒先黎到, 而當晚我落完單已心知不妙, 幾個店員你一句我一句, 漏單, 重覆單, 食物唔熟, 整多嘅石頭鍋飯就咁放咗0係廚房門口一張摺椅上. 個男店員又好奇怪咁會忽然走過黎拎張單睇..其實唔知可以睇到D乜嘢囉...
6. 我叫肥牛石鍋飯, 淡而無味, 最難得係令我可以一嘗連車仔面檔都好食過佢嘅肥牛!! 唯一安慰係有飯焦....
7. 春卷...雪藏現成貨色...好油..
8. 檸檬茶...其實我都唔知點解...連哩樣都可以冇水準...檸檬篤到爛都冇味, 茶冇茶味...
9. 室內抽氣極差, 食完成身油煙味!
之後仲發現7點後入座收加一服務費, 其實我7點前坐低, 因為個男店員唔知落D乜嘢單要再覆..佢出張單計我7點後...算數...反正冇下次!!
Post