秋田二人前餐，十二道菜既豪華鐵板燒體驗，$888位黎講真係超值！每道菜都覺得好好食🥹
🥗 季節沙律開胃又清爽，色彩繽紛，高糖番茄又甜又爆汁，勁開胃
🥚魚籽鵝肝蒸蛋，蒸蛋撒滿了魚籽，而且融入鵝肝既香味，簡直係蒸蛋既高手
🦞 活龍蝦上鐵板果刻，我內心都一齊尖叫，龍蝦肉質Q彈鮮甜，龍蝦膏煮成的醬汁，濃郁又不失細膩
🪽師傅將鮑魚處理得好好，非常嫩口，忌廉海苔汁將風味提升到另一個層次，簡直絕妙
🌊北海道帶子搭配柚子味胡椒，半生熟的口感，清新酸甜與海鮮甘甜完美結合，勁正
🦆 香煎頂級鵝肝，紅酒醇香同黑醋醬的酸甜接觸少許鵝肝既油膩，鵝肝好似食緊生朱古力咁，入口即融
🥩 鹿兒島霜降和牛，薄燒與厚燒兩種吃法，薄燒入面夾左蒜片香蔥，厚燒就可以自己加鹽昆布、炸蒜片或者wasabi三款食法，個人覺得厚燒更有口感！
🍚 秋田炒飯加左櫻花蝦，粒粒分明，每一顆米飯都飽含鐵板的香氣，而且完全唔油，好耐冇食過咁出色既炒飯
🥦 炒野菜清新爽口
🥣龍蝦頭湯，係之前既活龍蝦頭燒過後煮成，濃郁既海鮮精華，非常暖胃
🍦 甜品以銅鑼燒加雪糕做結尾
每樣嘢都非常令人驚喜，臨走時特登睇左下今晚師傅個名，係Mandy，非常推薦❤️
