蛇王如蛇店 (Closed)

今朝睇完功夫，同d friends入左粉嶺去花鳥蟲魚展諗住影相，中左招，後尾轉場去左第個公園影。五點到喇，見收太陽諗住走，有個friend話不如去大埔食蛇，話好正既，咁我諗我入冬咁耐都無食，咁更係去食啦。一左低大家先黎碗大蛇羹，正到丫，我未食過蛇羹又咁大粒/咁多蛇既，因為多數都係得d蛇碎，跟住有d咩絲整個湯咁既野，真係23歲人先知呢d先係蛇羹。等到六點，終於等到我地個蛇邊爐，d蛇勁新鮮，因為我望到入面d人o岩o岩剝皮既，仲有蛇皮，蛇肝，蛇籽。食既過程唔講喇，不足為外人道也，亦非筆墨所能形容。走果陣我地仲整埋外賣拎走，4個人起碼有10大殼蛇羹，同埋頭先邊爐果煲精彩既湯。不過邊爐真係唔平既，有心理準備，同埋唔一定有，係我個friend真係好熟個老細先有的。話雖如此，淨係個蛇羹已經係一絕，元朗分店係老闆個仔睇的，聽個friend話都幾好的。