豪園小食 - 炸一字雞翼專門店 (Closed)

此一字雞翼專門店開張一段日子，不過因座位不多，又不想外帶，所以拖到今日才去幫襯。貪吃的我想一次試晒幾款雞翼，於是點左一個有原味，芝士及蒜醬鼓油味三款雞翼的拼盤，再外加黃金脆脆雞翼，即鹹蛋黃雞翼。呢度雞翼係即炸，所以雞翼都係熱辣辣，脆卜卜。不過似乎即炸就係呢度唯一可取之處，拼盤內既雞翼味道好似無咩分別，原味=無味，芝士味雞翼，只係將芝士醬淋上原味雞翼到，蒜醬味既食到少少鼓油味但無蒜味。開頭都幾期待個鹹蛋黃雞翼，結果係幾款之中整得最差，理應雞翼沾了鹹蛋黃去炸係好脆身，但唔知咩事，我地雞翼外皮腍左，無鹹蛋香，仲好鹹添。老實講雞翼唔係難食，但稱唔上好食囉。。。