丸作食茶 (Closed)

夏日炎炎, 出門總要飲返杯凍冰冰嘅台式飲品。今日大食妹去中環睇牙亦都係咁諗, 所以走左去附近嘅手作丸茶飲返杯消下暑。<仙人掌珍珠綠拿鐵(M)$28> (好飲: 3.8/5) (抵飲: 4.2/5)手作丸茶嘅奶綠係用比較淡嘅鮮奶, 混合綠茶, 整體味道比較清新, 適合夏天飲用。仙人掌珍珠係粉紅色嘅, 好適合少女心嘅朋友。奶綠有三個分層: 第一層係仙人掌嘅粉紅, 第二層係鮮奶嘅奶白, 最面果層就係綠茶嘅青嫩, 出到嚟嘅效果真係好靚、好適合打卡。