紅蜻蜓 (Closed)

估唔到依間野仍然係咁難食.... 今次已經係第二次去食，上次食係佢剛剛開業，諗住難食/服務差...都可以原諒，今晚諗俾多次機會佢，點知仲差...！安格斯肉眼扒 - 跟蒜蓉汁竟然扒裡會有大量黑椒，我地同一位穿著西裝的職員（疑似經理）講，佢竟然話佢地全部扒都係用黑椒奄，咁我根本就唔食黑椒，如果唔係都唔會叫蒜蓉汁啦~~ 佢仲話出面間間都係咁奄肉，又反問我想點煮！頂.... 我咪話ok，咁成個set cancell佢囉~~然後有個又係著西裝既職員埋黎問咩事，我又講一次，佢就話叫我叫過第樣.... 我都話左唔食咯，cancell呀！ 佢又話要整過塊無黑椒既俾我，嘩~ 大佬，你剛剛個西裝職員先話全部扒都用黑椒奄，依家又會有塊無黑椒既，仲話我唔放心既可以去廚房睇添... 低能！點知你會整d咩落去架~~ 同埋佢竟然話頭先個個唔係經理，佢自己先係唯一既經理，有野就同佢講！頂你呀~~ 我再重新講我係要cancell order，佢竟然話唔可以cancell，因為老細唔o係度，要老細張卡先可以cancell，如果唔係就要佢自己俾$$填數，叫我一係就等佢老細返黎喎，等到出年咁點呀~~ 仲叫我唔好難為佢添！下