飯意主題餐廳 (Closed)

晚上8時左右去食，要在門口掛隊排左一陣。叫了芝士蛋漿飯，泡菜芝士年糕芝士和蛋漿會上先，之後個飯先到。個飯都係好似pepper lunch 咁最後撈勻一堆。裡面加左紫菜，唔太夾，仲有d煙肉泡菜，味道尚可，芝士只用mozzarella不夠香濃。另外叫了一個泡菜芝士年糕（配韓式拉麵）菜名以年糕為主打，以為拉麵只有少量，所以先會叫。點知黎到係一大個拉麵，得三粒年糕，加幾塊泡菜，加隻白恰蛋，撈埋都無咩味。無料拉麵仲貴過有料炒飯！仲叫左杯青蘋果綠色同椰汁紫米冰，飲品完全無味，綠茶得個甜，椰汁紫米冰咩味都無，淡到似水。炒飯ok,拉麵完全唔抵食，咁既價錢，去旺角大把選擇。