越北牛肉粉專門店

Open Now

Now Closed

中秋夜，一家人到越北食越南菜。👉🏼無骨海南雞飯海南雞味道口感都一般，油飯都有油飯香，整體味道一般。👉🏼生牛肉湯河粉牛肉湯味道濃郁，牛肉唔夠淋，河粉還可。👉🏼綜合牛肉湯河有牛肉、牛丸、牛腩，牛丸細粒但幾彈牙，牛腩唔夠淋，比較難咬，但湯粉入味。👉🏼蕃茄蟹膏蝦丸扎肉湯檬蕃茄湯味濃，真係食到蟹膏，蝦丸彈牙，扎肉一般，湯檬好入味，呢個湯檬唔錯。👉🏼金邊扎肉米紙卷賣相唔錯，材料有扎肉、青瓜絲、蘿蔔絲、檬粉、生菜，本身冇乜味，點吓魚露就好味啲，係比青淡嘅小菜。👉🏼魚露生菜好咸，可能係魚露煮嘅關係，浸吓湯粉啲湯食會好啲，菜本身都爽甜，唔會太淋。總結，呢餐不過不失，可以一試。