譚仔雲南米線 (遠東金融中心)

Open Now

Now Closed

星期日跑完步，就去咗金鐘嘅譚仔雲南米線食晏，來到剛好有卡位坐，所以坐得特別舒適，店員服務亦都十分周到；和朋友都係一樣叫咗過橋米線，因為貪佢樣樣都有，而且夠大碗，兩個人食剛剛好；再點多一個豬皮墨魚春卷加兩杯嘢飲；飲品就當然係點佢嘅三色檸檬可樂和生薑香橙特飲；生薑香橙特飲，果然有好生薑嘅味，真係值得推介，再加埋香橙，實在係一絕；三色檸檬可樂就普普通通，只係檸檬可樂加青檸，冇乜特別，但係成罐可樂畀哂你加落去都感覺抵飲；至於個豬皮墨魚卷就真係同幅相相差太遠啦，感覺有啲搵笨；墨魚春捲仲細個隻手指尾！有啲失望！過橋米線就一如既往不過不失總括來說！都還可以！