韓味屋

追月夜已經食月餅食到濟濟地，落樓諗住食少少野當晚餐, 諗起呢間開左甘耐都未試過就去試下，全店只有2x個位，因為已經8:30所以吾駛等位。

見到隔離枱碟炸雞好大碟泡菜餅好大個，知道我地兩個人無可能食得落，所以只叫左個牛骨肉同青花魚

2

牛骨肉

2

煎青花魚

牛骨肉幾好味不過似中菜多過似韓菜，青花魚煎得好香好好味。

兩個菜已包前菜，湯，白飯。前菜同白飯都可以再添。

1

三款可再添前菜

前菜肯定係呢餐最大亮點，雖然佢啲泡菜我覺得麻麻地，但個薯仔同酸蘿蔔好好味。個湯吾記得影相，不過都無乜特別。

1

紅棗菜

連個茶都好有誠意，熱飲好味！

一間好有誠意，招呼好好，價錢實惠味道又好嘅街坊小店，唯一缺點應該就係舖位實在太細坐位有限兼坐得吾舒服。