許留山 (Closed)

經過上次既教訓後,冇再去旺角個間許留山食野~改去呢間係北角新開既許留山食~呢間許留山人流比較少,環境算係唔錯!未食過許留山既糕點,所以今次點左個綠茶紅豆糕+金粉撈晶晶。綠茶糕好好食!第一層係綠茶糕,有茶香味,正!中間個層係椰汁紅豆糕,唔太甜,唔錯!底層就唔知係咩野,,食落味道似桂花糕,,ok~3樣夾埋一齊食好配合!糕點唔錯外,,個金粉撈晶晶都好正!份量好多,,芒果好甜,但士多啤利就酸左d~個特製芒果雪糕球好正!口感清新,好似食緊芒果咁 XD!食完兩個甜品後,,肚子好滿足呢~!