龍驤 (Closed)

🐝龍驤 - 尖沙咀經過開尖沙咀又周圍搵下美食～見到呢間日本餐廳感覺好似唔錯所以入去試吓。見佢門口餐牌寫了午市套餐激安八折優惠-傳统壽喜燒定食(牛肉/豚肉）都幾吸引。餐廳內裝修都很有日本風格，而且有一個巴枱可見到師傅整壽司類別既食物。傳统壽喜燒定食(牛肉）-$98前菜有沙律同蒸蛋，沙律都幾新鮮表面再加左一點芝麻醬；蒸蛋都幾滑內有兩粒竹輪片。主菜有一鍋壽喜燒味道牛肉鍋，表面有一堆粉色的牛肉片可以讓鍋的熱力慢慢令牛肉變熟，而不會令牛肉過熟，非常細心。表面亦有一隻生的雞蛋，可以將牛肉點上蛋漿一同進食。湯底的壽喜燒汁味道都幾濃郁，個人覺得有微微偏鹹。底部亦有大蔥、金菇、菜及粉絲等的配料，非常豐富。跟餐另外有一碗麵豉湯味道都唔錯，當中有一點小小的腐皮卷及蘿蔔片。