1
1
1
紅假期同屋企人行完海下
之後出返西貢食飯
黎到呢到梗係食海鮮
但一時間太多選擇
後來屋企有人話西貢有兩間都唔錯，其中一間就係全記
去到門口，真係好多人，但叫左飛之後都係等左五分鍾左右，就有位，上二樓
呢到除左有海鮮，仲有酒樓中式點心，選擇亦都有唔少
最後叫左幾樣海鮮：瀨尿蝦、蜆、螺
而點心就叫左：椒鹽豆腐、小籠包、牛柏葉、奶皇包
另外亦都叫左個沙巴龍躉蒸飯
海鮮方面絕對一流，但留意返要收加工費，其中瀨尿蝦真係一定一定要食
點心應該係即叫即整，好耐無食過熱到放唔到入口既牛柏葉
唯一感覺一般既就係個龍躉飯啦
最後埋單四個人合共千三元左右
