泰COOL (鴻圖道) (Closed)

下畫3點幾先食飯, 見到間泰國野所以試下.叫左個下午茶餐, 海南雞飯, $58, 無湯, 飲品要加$6,我加左杯芒果沙冰, 加$16, 即係一個下午茶要$74, 係廠區,  一個下午茶黎講, 個價錢完全唔合理.雞飯做得幾好, 個油飯做得好香, 有味, 夠乾身, D飯分明, 唔會痴埋一舊. 雞夠厚肉, 但肉有點老.兩個汁做得好, 中上水準, 不過無黑醬油.芒果沙冰好可以用失敗黎形容, 好似食緊芒果糖咁, 陣味好假, 無新鮮芒果味.