Video
Read full review
2017-02-18
976 views
情人節那天，餐廳一定「爆場」，所以跟男朋友提早慶祝。今年，我們選擇了大家都愛的泰國菜。從元朗西鐵站出發，路過亞萊嘜嘜見到餐廳有人等位，應該幾好食，所以我地就決定試吓呢間餐廳。等了十五分鐘，終於有位。餐廳有兩層，我們被安排坐地下，餐廳的環境乾淨企理。Menu:本來見到二人餐都幾吸引，但是我倆的食量不大，所以決定散叫。泰式小食五味拼盤 (小) $98我又想食炸蝦餅又想食炸春卷，所以男朋友就建議叫一個泰式小食五味拼盤，一次過滿足晒幾個願望。呢個拼盤入邊有炸春卷、炸蝦餅、炸南瓜、炸魚餅同埋香葉爆雞。我尤其喜歡食呢度嘅炸蝦餅，咬落去好彈牙，好足料。泰式肉碎生菜包 $75肉碎味道又酸又辣炒得相當惹味！男朋友話有啲辣，但係我就覺得啱啱好。包住爽脆的生菜，簡直是絕配，而且份量剛好！冬陰公湯 (小) $88我好鍾意食啲酸酸甜甜辣辣地嘅嘢，所以就叫左一個細嘅冬陰公湯。呢度既冬陰公湯都幾正宗，同我喺泰國飲嘅味道差唔多。個湯底好足料，有兩隻大頭蝦係入面，湯底濃味但不會很咸。泰式鮮蝦炒金邊粉 $85最後我哋叫咗個泰式鮮蝦炒金邊粉，個賣相又幾好睇喎，Pad Thai 上面鋪蛋皮。一打開個蛋就見到有幾隻大蝦係面，旁
今年，我們選擇了大家都愛的泰國菜。
從元朗西鐵站出發，路過亞萊嘜嘜見到餐廳有人等位，
應該幾好食，所以我地就決定試吓呢間餐廳。
等了十五分鐘，終於有位。
餐廳有兩層，我們被安排坐地下，餐廳的環境乾淨企理。
Menu:
本來見到二人餐都幾吸引，但是我倆的食量不大，所以決定散叫。泰式小食五味拼盤 (小) $98
我又想食炸蝦餅又想食炸春卷，所以男朋友就建議叫一個泰式小食五味拼盤，一次過滿足晒幾個願望。
呢個拼盤入邊有炸春卷、炸蝦餅、炸南瓜、炸魚餅同埋香葉爆雞。
我尤其喜歡食呢度嘅炸蝦餅，咬落去好彈牙，好足料。
泰式肉碎生菜包 $75
肉碎味道又酸又辣炒得相當惹味！男朋友話有啲辣，但係我就覺得啱啱好。
包住爽脆的生菜，簡直是絕配，而且份量剛好！冬陰公湯 (小) $88
我好鍾意食啲酸酸甜甜辣辣地嘅嘢，所以就叫左一個細嘅冬陰公湯。
呢度既冬陰公湯都幾正宗，同我喺泰國飲嘅味道差唔多。個湯底好足料，有兩隻大頭蝦係入面，湯底濃味但不會很咸。
泰式鮮蝦炒金邊粉 $85
最後我哋叫咗個泰式鮮蝦炒金邊粉，個賣相又幾好睇喎，Pad Thai 上面鋪蛋皮。一打開個蛋就見到有幾隻大蝦係面，旁邊有檸檬汁同埋炸蒜可以撈埋一齊食。
總括而言，亞萊嘜嘜的泰國菜質素中上而價位不算太貴，值得一吃！
Post
