Bugis@叻沙・海南雞飯 (Closed)

今晚試下V-City新開張既Bugis。海南雞飯非常有水準，雞無骨(雞翼除外)，皮爽肉嫩滑，即使雞胸都好好食，飯大碗又夠味。椰漿飯跟新加坡既味道相近，但有個非常可惜既係D魚仔好硬好鹹，花生太大粒但好脆，同飯一齊入口，有D哽口。肉骨茶係馬來西亞風味，藥材味好重，好味，但好細碗，又得有一條仔排骨同一小圈油炸鬼，有點兒孤寒。最後，個斑蘭檸檬薏米水，無斑蘭同檸檬味，只係普通薏米水一杯。會再幫襯，下次再試叻沙同巴東牛肉。