一鳴燒 (Closed)

估唔到係公司附近會有間唔錯的日本菜、我哋幾個女仔食咗18碟美食、樣樣嘢食都唔差！安格斯牛小排幾入味、西班牙火腿沙律、西班牙火腿唔錯、原本我以為會有渣、點知冇！☺️跟住仲有個凍食嘅鮑魚，我覺得呢度啲海鮮其實都幾新鮮㗎！黑松露石鍋飯入面仲有鵝肝！真係好好食、其實本來都唔係好食飯、但我都食晒！呢度啲羊架我覺得香料未夠多、不過我啲朋友仔話啱啱好、可能我鍾意勁多香料！之後叫咗啲蔬菜、車厘茄我哋每人一人一支、竟然食得晒！我食咗個蒜蓉燒大蝦🍤、因為夠新鮮所以成舊肉可以起出嚟！整體來講呢度啲嘢食全部都算有水準！我哋幾條女清得晒成個枱、認真誇張。😝#一鳴燒