呢間酒樓其實都幾新派，一層樓較為傳統，另一層樓就較為摩登。呢次飲茶的地點係較為傳統嗰層，坐低之後見d點心都唔算好貴，價錢尚算合理，於是都叫左唔少款式試下。因為係下午茶時間，有d點心仲有特價添。:)
今次叫嘅點心有d都係普通嘢，好似山竹牛肉同腸粉咁，無乜特別，不過呢度有d新派點心就算係幾好，例如個「意式千絲酥」都幾特別同好味。
「杏汁雪山包」就只係一般。
除左點心之外，今次仲叫左好多酒樓都再見唔到嘅「錦鹵雲吞」，實在好懷念佢嘅酸甜汁呢，今次可以喺呢度試到，都算唔錯。至於個「賽螃蟹炒伊麵」，清清地，d料都幾多，也是值得一叫的菜式呢。
