CANTON HOUSE (The Wai)

呢一間係圍方最新開嘅中式餐廳，我聽見屋企人的推薦下決定嘗試。星期日夜晚需要等位接近25分鐘，不過喺就坐嘅安排上面有啲混亂。


我哋兩個人就分別叫咗一隻乳鴿、一份大澳海鮮生炒王、兩隻蟶子以及兩隻元貝，另加一碗白飯。蟶子同元貝味道新鮮，不過另一半就投訴聖子有啲沙。至於個大澳海鮮生炒王好足料，只係略嫌油多咗少少。而隻乳鴿就符合預期，不過碗白飯就略嫌太生太硬。另一個驚喜嘅地方係有龍井茶可供選擇，唔係有好多餐廳有龍井茶可供選擇。

坐起上嚟會有少少迫，不過侍應就好熱情，服務同衛生幾好。埋單計兩個人食咗$520 ，我覺得還算物有所值。