Video
Read full review
2010-06-22
星期日通常都會出街食。今次就去食放題，見magazine介紹，所以去一試。環境幾闊落，坐得都好舒服。大不多，大約七成滿。一坐低，侍應就問飲咩汽水。阿爸就叫咗清酒。叫完野飲就即刻睇紙仔劃野食。疊紙厚到成本dictionary 咁。食物款式都算多，有燒物、沙律、刺身、sushi、炸物、鍋物等。刺身先來，刺身款式尚可，有三文魚、tuna、劍魚腩、北寄貝、甜蝦等。我地叫過兩次刺身，但兩次嘅質素差好遠。第一盤刺身，較新鮮，也厚切，以三文魚為例，魚油較多。相反第二盤，嘩切到超薄，又唔鮮甜，又唔夠肥美。甜蝦麻麻地，tuna好筋。沙律試咗蟹子沙律同蟹肉沙律。兩個都唔好食，蟹子沙律青瓜唔夠爽口；蟹肉沙律賣相已經唔吸引，碎濕濕嘅蟹肉上面一大pat沙律醬。小食有枝豆、燒白果，都係一般而已。壽司大概有十款，但全也是最普通的。飯醋味剛好，也不會鬆散，唯飯太大舊而塊魚生就太細太薄。卷物一碟2件，味道比壽司好。炸物雖有一大堆可選，但質素很差。真係好差，所有炸物都好油好膩。天婦羅炸漿太厚，而裡面嘅主角也很失色。蝦已嗱到無晒味，只係得個爽字；炸蠔粒蠔細到係蠔仔粥嗰隻。個炸蟹鉗最嚇人，全隻都係粉，一d蟹肉同彈牙感皆欠奉。
今次就去食放題，見magazine介紹，所以去一試。
環境幾闊落，坐得都好舒服。
大不多，大約七成滿。
一坐低，侍應就問飲咩汽水。阿爸就叫咗清酒。
叫完野飲就即刻睇紙仔劃野食。疊紙厚到成本dictionary 咁。
食物款式都算多，有燒物、沙律、刺身、sushi、炸物、鍋物等。
刺身先來，刺身款式尚可，有三文魚、tuna、劍魚腩、北寄貝、甜蝦等。
我地叫過兩次刺身，但兩次嘅質素差好遠。
第一盤刺身，較新鮮，也厚切，以三文魚為例，魚油較多。
相反第二盤，嘩切到超薄，又唔鮮甜，又唔夠肥美。
甜蝦麻麻地，tuna好筋。
沙律試咗蟹子沙律同蟹肉沙律。
兩個都唔好食，蟹子沙律青瓜唔夠爽口；
蟹肉沙律賣相已經唔吸引，碎濕濕嘅蟹肉上面一大pat沙律醬。
小食有枝豆、燒白果，都係一般而已。
壽司大概有十款，但全也是最普通的。
飯醋味剛好，也不會鬆散，唯飯太大舊而塊魚生就太細太薄。
卷物一碟2件，味道比壽司好。
炸物雖有一大堆可選，但質素很差。
真係好差，所有炸物都好油好膩。
天婦羅炸漿太厚，而裡面嘅主角也很失色。
蝦已嗱到無晒味，只係得個爽字；炸蠔粒蠔細到係蠔仔粥嗰隻。
個炸蟹鉗最嚇人，全隻都係粉，一d蟹肉同彈牙感皆欠奉。
唯一較好嘅係芝麻雞翼，味道較好，但就炸得太乾，但皮勁硬。
燒物類相對質素好很多。
鹽燒牛舌厚度同味不錯，一串兩件，當中一件較爽口，而另一舊則較韌。
雞軟骨串好肥，同埋好硬，幸好沒有雪味。
鹽燒海蝦嘅蝦質地都幾爽口，不過燒得未夠火候，有點黐殼。
焗廣島蠔隻蠔都係好細隻，不過就拌入芝士洋蔥煙肉碎，幾惹味。
燒鯖花魚燒得夠乾身，魚都幾新鮮。
燒羊鞍好厚肉，唔羶，不過調味料下得太重手，味太濃太咸。
料理類有很多款式以供選擇。
炒什菜、雪花牛肉鍋、海鮮粥、牛油焗帶子、鐡板牛柳粒、拉麵&烏冬、清酒煮蜆、味噌煮牛脷等......很多款。
炒什菜也是很普通，亦係無難度嘅！
海鮮粥有蝦肉蟹，雖粥底夠綿，但粥底未見鮮甜。
牛油焗帶子嘅帶子細細粒，唔好韌，但相對鮮味也較淡。
鐡板牛柳粒，牛柳粒幾淋滑，加咗蒜片一齊炒，味道更香。
清酒煮蜆，蜆太細，有沙，亦完全無酒味！
味噌煮牛脷同燒嘅艦地有d唔同，呢個比較淋，而且味道很濃。
雪花牛肉鍋亦係調味下得太重手，好咸好甜。不過牛肉質素不錯，好淋好滑也有牛味，鍋底還有粗粉絲同菜、鮮菇等，面頭還付上一隻生蛋，拌勻後也算可口。
整體食物質素平平；環境不錯，服務也算勤快。
Post
