Video
Read full review
2010-08-28
125 views
話晒做咗天水圍人成十年有多，銀座同新北江ｄ食肆都食到悶晒有日行開去天瑞村，盲摏摏入咗呢間酒樓飲茶，印象中ｄ點心都ｏｋ。今晚响附近打完羽毛球，一行四人又去試吓佢嘅晚飯先！見樓下有人彈ｄ服務差，我都覺得個知客真係唔多掂，唔識主動招呼客人，仲要無厘笑容，呢間酒樓請著佢做知客真係該煨 但企堂ｄ部長同侍應我又覺得ｏｋ噃，態度非常友善，仲同我地有講有笑，好nice！迷你冬瓜盅～我覺得一ｄ都唔迷你，足足分咗十碗滿滿嘅！味道清新，足料夠味，夏天消暑之選一品脆皮燒雞～熱辣辣，皮脆且香，雞肉亦非常入味，食到停唔到口清蒸多寶魚～有少少過咗火喉，ｏｋ啦！金銀蛋莧菜～係我食過最好味嘅，因為落咗好多鹹蛋！鹹蛋黃融入上湯，成碟餸黃黃綠綠，望到都已經覺得好食，食落濃濃鹹蛋黃香味，加埋嫩嫩嘅莧菜，正爆埋單仲有生果糖水送，西瓜同紅豆沙都甜，後者有ｄ過甜，但都好足料，絕對唔會水汪汪！幫襯兩次都好滿意，唔知點解無人讚呢？我個人一定會再幫襯囉
有日行開去天瑞村，盲摏摏入咗呢間酒樓飲茶，印象中ｄ點心都ｏｋ。今晚响附近打完羽毛球，一行四人又去試吓佢嘅晚飯先！
見樓下有人彈ｄ服務差，我都覺得個知客真係唔多掂，唔識主動招呼客人，仲要無厘笑容，呢間酒樓請著佢做知客真係該煨 但企堂ｄ部長同侍應我又覺得ｏｋ噃，態度非常友善，仲同我地有講有笑，好nice！
迷你冬瓜盅～我覺得一ｄ都唔迷你，足足分咗十碗滿滿嘅！味道清新，足料夠味，夏天消暑之選
一品脆皮燒雞～熱辣辣，皮脆且香，雞肉亦非常入味，食到停唔到口
清蒸多寶魚～有少少過咗火喉，ｏｋ啦！
金銀蛋莧菜～係我食過最好味嘅，因為落咗好多鹹蛋！鹹蛋黃融入上湯，成碟餸黃黃綠綠，望到都已經覺得好食，食落濃濃鹹蛋黃香味，加埋嫩嫩嘅莧菜，正爆
埋單仲有生果糖水送，西瓜同紅豆沙都甜，後者有ｄ過甜，但都好足料，絕對唔會水汪汪！
幫襯兩次都好滿意，唔知點解無人讚呢？我個人一定會再幫襯囉
Post