夜晚開著門前既燈, 對比附近既鋪頭, 張秀玲特別顯眼, 好易搵到.
門面已經比人一種輕鬆感, 牆既一邊係梳化位, 坐得好舒服, 無壓迫感, 夜晚一邊食一邊傾好relax.
泰國野最鍾意食蝦餅, 祗叫一款又嫌單調, 所以要個小食拼盤最啱, 有2件蝦餅, 2件春卷, 4件泰式雞棗.
蝦餅炸得好香口, 唔油膩, 蝦肉好爽彈. 春卷個皮都夠脆, 入面以椰菜, 紅蘿蔔絲餡料蔬菜為主, 所以食落無咁飽濟, 無咁肥膩. 雞棗其實唔知係咩, 食落似雞肉既卷, 都唔錯.
仲有泰國菜不能少既烤薄餅, 每件都烤到微微燶, 夠香口, 唔會太扁太油. 配埋黃咖哩牛腩, 點下D咖哩汁更加惹味.
呢個黃咖哩唔覺辣, 有少少椰香味. 牛腩唔韌, 炆得夠腍, 而且份量都幾多.
泰國椰菜苗, 好大棵, 起初驚好硬, 但食落原來好爽口, 蒜茸炒清清地但夠惹味.
雖然呢邊唔近大商場, 但可能口碑唔錯, 未夠7點已經坐滿人.
