一魚 (Closed)

今日係中環和記大廈做完野，岩岩好食飯時間😅，見到有一間門口有支即叫即造的日本旗嘅壽司店，於是入去試下。果時近一點度，間鋪坐滿曬人，好彩等咗一陣就有位喇✌🏼️✌🏼。壽司店係以自助點餐嘅形式，係點餐紙上面擇左食咩之後到收銀俾錢，之後待應就會將食物送過嚟!叫咗一個炸吉列豬扒便當，52元，唔包飲品。塊豬扒都幾大塊，而且炸得幾好，吉列層皮唔會整到好厚，味道不錯😋。成個便當嘅份量都幾多下，都算幾抵食！有一塊大豬扒配飯，仲配有蟹肉蟹籽沙律同青瓜絲漬。蟹肉蟹籽沙律配有一個和風沙律汁，酸酸甜甜咁幾開胃，沙律菜都幾新鮮。另外，店舖環境都幾舒服同乾淨。整體不錯！👍🏼👍🏼