川味辣蟹·串燒·烤魚·雞煲·專門店 (Closed)

今日同朋友搵地方食少少野做宵夜，行過呢間餐廳係食雞煲、串燒同火鍋，於是我地入到去坐低，叫左個泰式鹽燒烏頭，燒羊肉串同埋清酒煮珍珠蜆。先黎既清酒煮珍珠蜆，煮蜆有淡淡酒香味，蜆吐沙都吐得好清，唔會食到成口沙。蜆煮得幾嫩，唔會嚡口，蜆肉本身都幾肥美同幾juicy。跟住黎左燒羊肉串，羊肉有加孜然粉調味，亦都有少少辣味，燒出嚟好香脆，肉質唔嚡好惹味。最後黎既係泰式鹽燒烏頭，烏頭魚鋪滿左鹽，開左魚皮聞到有好香既香料味，烏頭魚肉唔腥，亦都幾嫩。幾好食。呢間餐廳都唔錯，幾好食，下次多人D既時候想試試個雞煲。