澳門艇仔粉 (Closed)

無左晚市堂食，我唯有改食下午茶，係旺角走入一間未食過的澳門艇仔粉試下。有8款下午茶餐，有油多士、三文治、西多士、芝士火腿飛碟、迷你熱狗、迷你豬扒包、香辣雞扒包和炸雞翼，我揀左迷你豬扒包，因為好耐無食啦！落左order無幾耐，先想起這間叫艇仔粉，應該要試下，但已趕唔切改單，無辦法，唯有下次再試艇仔粉。豬扒包雖然细细個，但味道唔錯，豬扒炸得香口，加上沙律，幾好食。飲埋杯熱檸水，我夠飽，但男人未必夠，可能要食2個餐先夠。