Ruby Tuesday (Closed)

約左一班朋友食飯，當然去D岩多人去既地方啦。一人揀一樣野食，大家都好開心去傾下揀咩前菜、小食同主菜。開始時就叫杯野飲啦，一黎到 " 嘩 " 好大杯呀，但味道比較甜，如果冇咁甜會好好多。食個沙律開下個胃先，D菜夠新鮮烤雞肉都好好味。2款雞翼一個辣一個唔辣，辣味個款D汁非常多，包住成隻雞翼辣得好過癮呀，反而冇辣個款比較普通。燒排骨不可不食既野啦，每次去到都要叫黎食，味道同以前食過既一樣都係一樣咁好味，另外炸雞舊雞都好滑完全唔鞋，反而炸蝦真係麻麻地，下次可以skip左唔叫依樣野。叫左當日做特價既漢堡包，因為有朋友唔食芝士，個侍應話可以另上，真係好體貼呀，舊牛肉加埋舊菇已經好好味，加埋塊芝士仲好食呀。點都要叫番d澱粉質既野，而依個茄汁蜆肉意粉係咁真係麻麻地，應該D蜆肉煮得耐左所以比較硬。最後大家都想叫個甜品食下，就揀左依個甜品，但D酥皮唔夠脆。總括黎講大家都食得好開心,朋友聚會食到好多唔同既野，過左滿足的一晚。