創食薈 (Closed)

夜晚同三個人本身想去食長沙灣美味餃子店，但係經過東張西望報導後，超多人排隊，決定轉場去創食薈。創食薈係一間food court, 應該新開左一段時間，人流不大多，地方安靜寬闊，食物都有一定水準。入面有差不多10間餐廳選擇，我地今次試左兩間「十二味」同「貴州牛肉粉」。十二味主打水煮魚同酸菜魚，眼見場內最多人幫襯，我地嗜辣，叫左水煮魚（中辣）同素食香鍋（小辣，可以選不辣）。水煮魚入面除魚塊外，有我最愛的寬粉，同青瓜芽菜，配菜不多但味道非常到位，麻辣得過癮，食哂食碗飯！但如果不大能吃辣，最好選小辣，中辣也真的辣🔥🔥。素菜香鍋也不錯，有藕片、海帶、芽菜，個人覺得可以再增加蔬菜種類，如萵苣或娃娃菜，會更吸引。另在「貴州牛肉粉」點了12隻淨菜肉餛飩，挺好吃der，皮薄，但可以加多些菜。整體食得挺滿足，也是一個朋友聚會聊天的好地方，見到其他人食漢堡包也賣相不俗，下次去試下！