Crêpe Delicious (Urban Cafe) (南豐大廈) (Closed)

我不嬲都知道呢間餐廳勁好食，以前都嚟過唔同嘅分店無數次，但係最近知道佢哋有任食Menu，所以就覺得好抵食，於是就約埋朋友一齊嚟食晚餐。呢度前菜都有八款，全部都可以無限添加，每次上嚟份量都唔多，精緻之餘都可以比客人私源自己鍾意邊一樣之後再加點，唔會一開始就諗住打爆你個肚。最鍾意就當然係個nachos，牛油果醬好好味！最驚喜就係有沙律，啲菜勁新鮮，正！至於煮食方面都有好多選擇，無論係鍾意食海鮮、肉類、意粉定係鹹crepe嘅，都會搵到一樣啱自己食嘅！ 我就梗係要食crepe啦，夠soft 夠蛋香，最鍾意就係鹹嘅呢款唔會怕肥，食完真係好滿足！飲品方面都係可以無限refill，真係唔好睇小呢樣嘢呀，天氣咁熱，一入到餐廳就已經飲咗一杯降溫先，之後再一路食一路飲，都食完成餐飯其實都真係飲咗成幾杯，計吓條數，呢個價錢喺其他餐廳淨係當飲幾杯嘢已經有呢個價錢啦！最後就gelato都係unlimited！真係勁興奮！