Video
Read full review
2019-09-03
1232 views
剛剛在這間餐廳用午膳， 老實講餐廳嘅裝潢都ok， 價錢都算合理食物質素亦都ok。但係侍應人手實在超短缺， 全場只得三個人，其中一個仲係要負責水吧！ 一入餐廳有一位較年輕嘅侍應上前招呼，問我有冇訂位，我話冇，跟住佢話幫我安排， 然後佢就喺度左顧右盼希望其他侍應幫手， 之後等到另外一位侍應過呢就安排我坐喺我企喺度嗰張吉枱，其實當時全場只得一兩枱客！之後坐低用餐陸續有其他食客進場， 我眼見已經心知道呢間嘢唔夠人手做，所以喺1245分 向我剛才提及過嗰個又係水吧又係捧餐嘅男士落咗餐飲， 心諗1300前點都可以完成一杯餐飲掛！ 點知原來我忘記咗呢間係法國餐廳，咖啡應該要慢慢歎， 我見住個水吧哥哥只係顧住喺廚房第啲主菜出嚟俾侍應攞畀客人，完全冇行去個水吧位， 於是我就向另一位女侍應話畀佢知我已經點咗餐飲未到，然後叫佢順便埋單因為我真係怕埋單都要等幾個字， 我呢啲基層打工仔，食午飯時間得一個鐘頭，實在真係唔應該黎呢啲高級法國餐廳食午飯， 但偏偏呢間高級法國餐廳又切喺工廠區喎 結果喺埋單嘅時候見到水吧哥哥終於有時間整餐飲啦， 整完放咗喺枱面等捧餐， 一路兩位捧餐都唔得閒埋去攞餐飲， 於是我向最年青嗰位
一入餐廳有一位較年輕嘅侍應上前招呼，問我有冇訂位，我話冇，跟住佢話幫我安排， 然後佢就喺度左顧右盼希望其他侍應幫手， 之後等到另外一位侍應過呢就安排我坐喺我企喺度嗰張吉枱，其實當時全場只得一兩枱客！之後坐低用餐陸續有其他食客進場， 我眼見已經心知道呢間嘢唔夠人手做，所以喺1245分 向我剛才提及過嗰個又係水吧又係捧餐嘅男士落咗餐飲， 心諗1300前點都可以完成一杯餐飲掛！ 點知原來我忘記咗呢間係法國餐廳，咖啡應該要慢慢歎， 我見住個水吧哥哥只係顧住喺廚房第啲主菜出嚟俾侍應攞畀客人，完全冇行去個水吧位， 於是我就向另一位女侍應話畀佢知我已經點咗餐飲未到，然後叫佢順便埋單因為我真係怕埋單都要等幾個字， 我呢啲基層打工仔，食午飯時間得一個鐘頭，實在真係唔應該黎呢啲高級法國餐廳食午飯， 但偏偏呢間高級法國餐廳又切喺工廠區喎 結果喺埋單嘅時候見到水吧哥哥終於有時間整餐飲啦， 整完放咗喺枱面等捧餐， 一路兩位捧餐都唔得閒埋去攞餐飲， 於是我向最年青嗰位侍應示意，餐飲已出咗，可唔可以幫我捧過嚟， 點知佢嘅回應真係出人意表， 佢冇即時去捧個餐飲畀我，只係同我講
唔好意思因為唔夠人手， 之後就走開咗 ， 原來佢係冇權限去攞餐飲畀客人， 法國餐廳果然係法國餐廳，分得咁清楚咁冇辦法啦， 單又賣咗喇我唯有唔飲就走人啦
Post