海鱻城

Open Now

Now Closed

今次又係做完嘢匆匆忙忙趕過去同朋友食飯，一樣係朋友話請食飯，所以就去咗一個平時好少去嘅地區食飯，最大問題係今次因為做嘢遲咗，所以去到佢哋已經食咗幾樣嘢。今次應該係叫套餐嚟嘅，其中一個最大賣點應該就係個鮑魚，識落口其實又真係幾好味嘅，同埋重點見到其他枱上菜都係好適合打卡嘅一個菜。雖然張相就核突啲，但係個豬手都還算可以嘅。不過佢個小炒就真係有啲鹹，結果大家食咗半碟就已經冇再食落去。龍蝦伊麵，都係平時識到嗰啲嘅感覺，穩穩陣陣咁樣。佢隻燒鵝就比想像中好味，係有少少肥，但係都幾香口。條魚亦都蒸得唔錯，都唔會話蒸過龍，以套餐來計都算係咁。