PHI Coffee & Pancake (太古城道)

Open Now

Now Closed

放早同朋友去食個下午茶，佢揀咗位於太古城呢間餐廳，原因純粹係因為呢度坐得舒服。點知原來餐廳只有lunch / dinner set，沒有下午茶餐，所以我哋全部散叫。巴馬火腿牛油果多士呢個可以話係今餐最好味嘅食物，火腿的鹹香和牛油果的清甜形成強烈對比，再用少少蜜糖吊下味，味道夠特別！慢煮牛面肉闊條麵雖然牛面肉肉質軟腍，味道豐富，但感覺啲食物完全唔熱。而且我自問都唔係特別大食，但就覺得份量極少。青醬大蝦意大利飯呢碟飯一上枱有發呆嘅感覺，所謂嘅大蝦超級細隻，如果隻蝦真係細隻嘅話，其實可以俾多兩舊蝦充撐場面。個青醬汁係成個飯嘅精髓，但又唔算特別濃郁。我自己就鍾意佢入面加左啲菇令口感提升左，但失望嘅係，食物都係唔夠熱，其實唔係好明，點解夏天啲嘢食咁快凍😆。