Thank You 冰室 (Closed)

中午時段經過，諗住求其找間茶餐廳之類的就算。見到這間鋪的門面，好像好多選擇，而且都岩胃口，價錢適中，見裏面裝修坐位都乾淨企理，就入內試試。見入面都幾滿座，幸好剛巧有人賣單，就坐下睇餐牌。叫了個葱油雞扒太陽蛋飯。不一會很快就送到來。看上去個樣都唔錯，但一眼睇得出隻太陽蛋偏細，再來是雞扒，睇落似大塊，食落就感覺是被人打扁了，所以面積大，但比一般雞扒薄。味道都不錯，雞扒正常，不會太乾口（出面有食過煎得很乾口的，會比較難咬得入）。疏菜新鮮，汁及薑葱份量都算多，飯亦算大份。味道算幾好，唯一是覺得餸的份量處理有點不夠。餐茶都是普通的熱檸水，三片檸檬，檸檬不會太薄切，這個正常。這個餐賣$50不算平亦不算太貴，性價比不過不失。